Birta leitarniðurstöður Minnsta letur Miðstærð leturs Stærsta letur Prenta þessa síðu
Aðrir vefir Borgarbyggðar
Grunnskóli Borgarfjarðar
   433-7300 / gbf@gbf.is

Hvanneyri
   433-7315 / 433-7316

Kleppjárnsreykir
   433-7324 / 433-7320

Varmaland
   433-7306 / 433-7304

Atburðadagatal
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
1
2
3
4
5
6
7
8
9
10
11
Fyrri mánuður
október 2017
Næsti mánuður

HEILSUGÆSLA                                            

 

Heilsugæsla í skólum

Heilsugæslu í grunnskólum héraðsins er sinnt af Heilsugæslustöðinni í Borgarnesi.

Ónæmisaðgerðir í skólum fara eftir leiðbeiningum landlæknis.

 

Skólaskoðanir veturinn 2014-2015 verða eftirfarandi:

1. bekkur. Mæld hæð,þyngd, sjón, heyrn (ef þurfa þykir) og litskyn.

4. bekkur. Mæld hæð, þyngd og sjón.

7. bekkur. Mæld hæð, þyngd og sjón.

9. bekkur. Mæld hæð, þyngd, sjón, heyrn og læknisskoðun.

 

Hjúkrunarfræðingar sjá um skoðanir og annað eftirlit samkvæmt tillögum landlæknis.

Hjúkrunarfræðingar bjóða upp á viðtalstíma fyrir nemendur á skólatíma, þá daga sem hjúkrunarfræðingur er í skólanum. Spurningarlisti verður sendur heim með 6 ára börnum og með öllum nýjum nemendum í byrjun skólaárs.  Hjúkrunarfræðingur er með fræðslu í bekkjunum allan veturinn.

 

Ónæmisaðgerðir eru eftirfarandi:

12 ára. Ónæmisaðgerð gegn rauðum hundum, mislingum og hettusótt. (MMR).

14 ára. Ónæmisaðgerð gegn mænuveiki, barnaveiki og stífkrampa.

Þegar börn flytjast á milli landshluta og skóla, þurfa forráðarmenn barna að tilkynna það skólahjúkrunarfræðingi viðkomandi skóla. Nauðsynlegt er fyrir skólahjúkrunarfræðing að hafa vitneskju um allar ónæmisaðgerðir, sjúkdóma og lyfjagjafir nemenda.

 

Lyfjagjafir:

Nemendum er óheimilt að vera með lyf í skólanum án vitneskju kennara eða skólahjúkrunarfræðings.

Ef barn er á lyfjum vegna ofvirkni, athyglisbrest eða annarra þroskafrávika, þá þarf skólahjúkrunarfræðingur að vita um það vegna hugsanlegrar lyfjagjafar á skólatíma. Óheimilt er að gefa barni lyf í skóla án vitundar foreldra.

 

Lús:

Töluvert hefur borið á lús í héraðinu undanfarin ár. Foreldrar eru hvattir til að fylgjast vel með hári barna sinna og grípa til viðeigandi ráðstafanna ef upp kemur lús. Lús fer ekki í manngreiningarálit og geta allir fengið lús. Nauðsynlegt er að láta kennara viðkomandi barns vita ef upp kemur lús. Hjúkrunarfræðingar á Heilsugæslustöðinni eru tilbúnir til að gefa ráð en kembing og meðferð er á ábyrgð foreldra.

Ath.  Greinist lús hjá nemanda í skólanum skal skólinn senda heim samdægurs til allra nemenda leiðbeiningar um meðferð og eyðublað þar sem foreldrar þurfa að kvitta fyrir að hafa kembt börn sín.

 

 

Svefn:

Foreldrar og forráðarmenn eiga að sjá til þess að börn þeirra komi úthvíld í skólann, það gerir nemandann hæfari til að takast á við verkefni dagsins og öllum líður betur.  Svefnþörf barna er mikil, flest börn þurfa að sofa 8-10 klukkustundir á sólarhring.

 

Útivistartími barna:

Börn 12 ára og yngri mega ekki vera á almannafæri eftir kl. 20:00 nema í fylgd með fullorðnum.  Börn sem eru á aldrinum 13 til 16 ára skulu ekki vera á almannafæri eftir kl. 22:00 enda séu þau þá ekki á heimferð frá viðurkenndri skóla -, íþrótta eða æskulýðssamkomu. Foreldrar eða forráðamenn barna skulu sjá til þess að börn hlýti ákvæðum þessa kafla um útivistartími og virði aldursmörk og annað í því sambandi.

 

Næring:

Mikilvægt er að foreldrar og forráðamenn sjái til þess að börn þeirra komi með góðan og hollan nestispakka í skólann ef ekki er mötuneyti í skólanum. Nestispakki barnanna verður að innihalda fjölbreytta og kjarngóða fæðu sem gefur barninu nægilega orku fyrir athafnasaman dag í skólanum. Dæmi um kjarngóðan nestispakka: Gróft brauð með kæfu og gúrku, hálft epli, hálfur

banani, nokkrar rúsínur og drykkur, td. léttmjólk og svo kannski skyr eða jógúrt. Nestispakkinn má ekki vera of einhæfur því að þá fá börnin leið á nestinu og borða það ekki. 

Algengt er að krakkar séu að drekka of mikið gos og borða skyndibitamat en það er yfirleitt ekki næringaríkur matur fyrir börn sem eru að vaxa. Svona fæða getur líka leitt til offituvandamála sem getur orðið erfitt að taka á seinna meir. Holl og góð fæða er mikilvæg fyrir einbeitingu og þroska barna.

 

Hreyfing:

Hreyfing er nauðsynleg fyrir alla og mikilvægt er að foreldrar hjálpi börnum sínum að finna hreyfingu sem hentar. Mælt er með rösklegri hreyfingu í 60 mínútur á dag og getur það verið af ýmsum toga td. ganga, synda, hlaupa, hjóla, dansa eða skipulagðar íþróttir.

 

Hreinlæti:

Hreinlæti er eitthvað sem börn hafa ekki alltaf tilfinningu fyrir og þess vegna er mikilvægt að foreldrar og forráðamenn sjái til þess að börn þeirra þrífi sig vel, að þau skipti reglulega um föt, bursti tennur, þvoi sér um hendur eftir að hafa verið á salerninu o.s.fv. Börn í óhreinum fötum geta orðið fyrir stríðni.

 

Skólahjúkrunarfræðingur í Borgarnesi er Íris Björg Sigmarsdóttir.

Skólahjúkrunarfræðingur í Grunnskóla Borgarfjarðar er

Dagný Hjálmarsdóttir.

Skólahjúkrunarfræðingur í Laugagerði er Rósa Marinósdóttir.

Skólaskoðanir fara fram í skólanum á skólatíma og verða ekki auglýstar sérstaklega nema hjá þeim árgöngum sem fá ónæmisaðgerð.

Allir nemendur fá með sér upplýsingar eftir skólaskoðun.

 

 

 Bestu kveðjur frá skólahjúkrunarfræðingum

 

Dagný Hjálmarsdóttir, vinnusími: 432-1430 / Netfang: dagny.hjalmarsdottir@hve.is

 

(uppfært 23. september 2014) 

23. október 2017
12. október 2017 - GBF
12. október 2017 - GBF
11. október 2017 - GBF
11. október 2017 - GBF